ఆర్ఆర్ఆర్ సినిమా లోని “నాటు నాటు” పాటకు పాక్‌ నటి స్టెప్పులు.. వీడియో వైరల్‌

నాటు నాటు పాట  ప్రపంచం నలుమూలలకు విస్తరించి బోలెడు అవార్డులు సంపాదించి..చివరిగా ఆస్కార్ బరిలోను నిలిచింది.. చిన్నాపెద్దా తేడా లేకుండా ఎంతోమంది సెలబ్రిటీలు, సినీ ప్రియులు ఈ పాటకు కాలు కదిపారు. కాగా, ఈ మాసీ డ్యాన్స్ నంబర్ దాయాది దేశం పాకిస్థాన్ లోనూ విపరీతమైన క్రేజ్ సొంతం చేసుకుంది. దీనికి ఫిదా అయిన పాక్ నటి హనియా ఆమిర్.. తాజాగా ఓ పెళ్లి వేడుకలో ఈ పాటకు అదిరిపోయే స్టెప్పులు వేశారు. వేడుకకు వచ్చిన బంధువులందరూ చూస్తుండగా.. నాటు నాటు హుక్ స్టెప్పులు వేసి అలరించారు. ప్రస్తుతం దీనికి సంబంధించిన వీడియో నెట్టింట వైరల్ గా మారింది.